உங்கள் இணைய இணைப்பின் அலைவரிசையை கூட ஒரு ஹேக்கரால் விற்கப்பட்டு, அதன் மூலம் உங்களுக்கு பெரும் பண இழப்பை ஏற்படுததலாம். ஹேக்கர்கள் உங்கள் கணினியைத் தாக்கிய பிறகு உங்கள் இணைய இணைப்பில் என்ன செய்கிறார்கள் என்பது பற்றியும் ப்ராக்ஸிவேரிலிருந்து(Proxyware) எவ்வாறு பாதுகாப்பாக இருப்பது என்பது பற்றியும் தெரிந்து கொள்ளுங்கள்.
சட்டவிரோத வருவாயை உருவாக்க ஹேக்கர்கள் இணைய இணைப்புகளை அதிகளவில் குறிவைத்து வருகின்றனர். ஆராய்ச்சியாளர்களின் கூற்றுப்படி, ப்ராக்ஸிவேரை துஷ்பிரயோகம் செய்து பயனர்களின் இணைய இணைப்பின் அலைவரிசையை கூட ஒரு ஹேக்கரால் விற்கப்பட்டு, அதன் மூலம் உங்களுக்கு பெரும் பண இழப்பை ஏற்படுத்த முடியும்.
ஹேக்கர்களால் தவறாகப் பயன்படுத்தப்படும் இந்த ப்ராக்ஸிவேர் தொழில்நுட்பம் சமீபத்தில் சிஸ்கோ டாலோஸால்(Cisco Talos) கண்டுபிடிக்கப்பட்டது, மேலும் தீம்பொருளால் பாதிக்கப்பட்ட சாதனங்களை பாதிக்கப்பட்டவர்களை குறிவைக்க இது பயன்படுத்தப்படுகிறது. ப்ராக்ஸிவேர் சட்டவிரோதமானது அல்ல, மேலும் சில பாதுகாப்பு மற்றும் ஃபயர்வால் புரோகிராம்கள் உட்பட பல்வேறு சட்டபூர்வமான நோக்கங்களுக்காக பயன்படுத்தபடுகிறது என ZDNet தெரிவிக்கிறது. இருப்பினும், இது முறுக்கப்பட்டு மோசடி செய்பவர்களுக்கு பணம் சம்பாதிக்க சட்டவிரோதமான முறையில் பயன்படுத்தப்படுகிறது. அதே தொழில்நுட்பத்தைப் பயன்படுத்தும் சில மென்பொருள்கள் பயனர்கள் தங்கள் இணைய இணைப்பு மூலம் ஹாட் ஸ்பாட்களை உருவாக்க அனுமதிக்கிறது, பயனர்கள் அதை பயன்படுத்தும் போது பணம் பெற அனுமதிக்கிறது.
அறிக்கையின்படி, ட்ரோஜன்(Trojan) பாதிக்கப்பட்ட நிறுவல் கோப்பைப் (installation file)பயன்படுத்தி ப்ராக்ஸிவேர் நிறுவப்படலாம், இது பாதிக்கப்பட்டவரின் கணினியில் தீங்கிழைக்கும் மென்பொருளை ஒரே நேரத்தில் நிறுவ முடியும். Honeygain மற்றும் Nanowire போன்ற ப்ராக்ஸிவேர் தளங்கள் மூலம் சட்டவிரோதமாக ஹேக்கர்களுக்கு (இணையதள அலைவரிசையை விற்பதில் இருந்து) பெறப்பட்ட பணத்தை தானாக அனுப்ப அமைக்கப்படுகிறது.
பயனர்கள் பாதுகாப்பாக இருக்க, இந்த 5 விஷயங்களை கட்டாயம் அறிந்திருக்க வேண்டும்:
1. உங்கள் மொபைலிலுள்ள அனைத்து செயலிகளையும் சரிபார்க்கவும். உங்களுக்குத் தெரியாத சில செயலிகள் பதிவிறக்கம் செய்யப்பட்டிருந்தால் ,அவற்றை உடனடியாக நீக்கவும். பல மாதங்களாக நீங்கள் பயன்படுத்தாத செயலிகள் சட்டபூர்வமாகத் தோன்றினாலும் இதைச் செய்ய வேண்டும்.
2. கூகுள் பிளே ஸ்டோர் மற்றும் ஆப்பிள் ஆப் ஸ்டோர் போன்ற அதிகாரபூர்வ ஆப் ஸ்டோரிலிருந்து மட்டும் செயலிகளை பதிவிறக்கம் செய்யவும் . இருப்பினும், இந்த இருஆப் ஸ்டோர்களிலும் கூட தீங்கிழைக்கும் தீம்பொருளை மறைத்துள்ள பல செயலிகள் உள்ளன. அவற்றைத் தடைசெய்த பின்னும் அவை மீண்டும் வருகின்றன.
3. உள்ளமைக்கப்பட்ட பாதுகாப்பு ஸ்கேனர் செயலில் உள்ளதா மற்றும் இயக்கப்பட்டிருப்பதை உறுதிசெய்ய வேண்டும் , அது கணினி அல்லது மொபைலின் பாதுகாப்பு குறைபாடுகளை தொடர்ந்து ஸ்கேன் செய்ய வேண்டும்.
4. அந்நியர்களிடமிருந்து வரும் இணைப்புகளை கிளிக் செய்யவே கூடாது, அதேசமயம் தெரிந்த தொடர்புகளில் வரும் இணைப்புகளை கிளிக் செய்வதற்கு முன் சரிபார்க்கப்பட வேண்டும்.
5 ஆன்லைன் திருட்டு செயலிகள் மற்றும் விளையாட்டுகளிலிருந்து விலகி இருக்க வேண்டும்.
